退貨或退款

收到貨發現產品有問題？

[撳呢度了解詳細嘅退貨/退款政策]

發現有問題應該點做？

[撳呢度提交退貨/退款申請] Form

想知多啲？即睇退貨/退款嘅常見問題：

10天退貨保證係由邊日開始計？

由你收到貨個日開始計10日，如果有產品出現咗乜問題，請喺10日內聯絡我哋。如果10日過咗之後，產品會進入廠方保用期內，你需要自行將產品交回生產商/代理商維修。

係咪所有產品都可以退貨/退款？

如果一經證實產品品質真係不合符生產標準，電器幫保證更換，除咗個別產品（例如APPLE/BEATS/大彊等等品牌），需要自行向供應商更換，不可退換嘅產品會喺產品頁入面列明。

買錯咗左有無得換？

無，除非係產品出現咗問題，否則無得退貨/退款。

點解退貨/退款之前要去維修中心拎產品檢查報告？

如果有供應商嘅報告作準，可以幫助我哋了解產品真正嘅問題，更快為你處理退貨或退款。

如果產品供應商無維修中心可以點做？

你可以直接以表格提交退貨/退款申請，我哋嘅客戶服務專員會為你另行安排產品檢查。

點樣退貨，我洗唔洗自己送翻去？

我哋會派送貨人員上門回收有問題嘅產品，同時將新嘅產品送上。

係咪一定要換翻同一型號嘅產品？

係，必須換翻同一型號嘅產品。如果因為產品售罄而無法更換同一型號，我哋嘅客戶服務專員會為你另行安排。

係咩情況下先會退款？

一般情況下，如果證實產品有問題，我哋會先為你安排換貨，但假如產品經以售罄或已無其他可替代型號，我哋會為你安排退款。

退貨過程需時幾耐？

我哋會喺兩個工作天內聯絡你跟進產品問題，並盡快派送貨團隊上門收走你嘅舊機，同時將新機送上。

退款過程需時要幾耐？

一般需時4-6星期。你亦可以選擇以積分形式退到你戶口，以便你喺電器幫可以更快選購其他心水產品。